39 ditë protestë, qytetarja: Tjetër skandal, po dhurohen bileta falas për nxënësit që të shkojnë tek koncerti i Kanye West

39 ditë protestë shënohet këtë të mërkurë. Protestuesit u mblodhën në sheshin ”Skënderbej” me pankarta në duar e simbole kombëtare, ku kërkojnë burgosjen e kryeministrit Edi Rama dhe kryedemokratit Sali Berisha.

Një qytetare e ndalur tek 4 mln euro që qeveria ka dhënë për koncertin e Kaney West, e cilësoi si ulëritëse dhe përçmim ndaj qytetarëve shqiptarë. ”Është ulëritëse dhe përçmuese ndaj qytetarëve, çdo gjë tjetër mund të ishte bërë me 4 mln euro në Shqipëri. Për të mbushur koncertin po dhuroheshin bileta për nxënës dhe kjo është skandaloze. Çmimi i biletës për teatrin ku çoj vajzën është trefishuar”,-tha ajo.

Kurse një protestues tjetër dënoi me tone të ashpra sjelljen e kryeministrit Edi Rama, duke e cilësuar atë si mospërfillëse ndaj varfërisë së qytetarëve. ”Edi Rama ka filluar këto xhirot e famshme në Europë dhe me fodullëkun më të madh dhe mospërfillje i jep 4 miliardë lekë një rrepisti rrjepacak atje nga fondi i emergjencave, dhe unë e kam pensionin 112 mijë lekë. Nuk i jep lekë Rama atij rrepistit dhe të mos fusë lekë në xhep, ajo nuk diskutohet”.