4 viktima dhe 670 raste të reja, Ministria: 279 pacientë të shtruar

Betejën në 24 orët e fundit nuk e kanë fituar 4 pacientë të prekur nga virusi vdekjeprurës. Sipas Ministrisë së Shëndetësisë, deri më tani nga Covid-19 kanë humbur jetën 1291 qytetarë. ”Me gjithë përpjekjet e stafit mjekësor, 4 qytetarë nga Tirana, Fieri, Kavaja dhe Mati, të moshave 37-77 vjeç, nuk e kanë fituar dot betejën me sëmundjen. Ministria e Shëndetësisë dhe Mbrojtjes Sociale i shpreh ngushëllime familjarëve të të ndjerëve”.

Sipas raportimit të Ministris së Shëndetësisë, në 24 orët e fundit janë kryer 3331 testime dhe kanë rezultuar pozitivë 670 qytetarë. Rastet pozitive të konfirmuara janë identifikuar në këto bashki ”262 raste në Tiranë, 29 në Elbasan, 27 në Durrës, 25 në Fier, nga 23 raste në Lezhë, Vlorë, 21 në Krujë, 16 në Berat, 15 në Lushnje, 14 në Kavajë, 13 në Shkodër, nga 12 raste në Sarandë, Dibër, Himarë, nga 11 raste në Kurbin, Mat, nga 10 raste në Korçë, Kukës, Cërrik, nga 9 raste në Kamëz, Gjirokastër, nga 8 raste në Librazhd, Delvinë, nga 7 raste në Prrenjas, Shijak, 6 në Peqin, nga 5 raste në Mallakastër, Ura Vajgurore, Divjakë, Gramsh, Kuçovë, nga 4 raste në Pogradec, Tepelenë, Roskovec, nga 3 raste në Mirditë, Skrapar, Vorë, Patos, nga 2 raste në Memaliaj, Poliçan, nga 1 rast në Has, Rrogozhinë, Përmet, Kolonjë, Klos, Dropull, Konispol”.

Lajmi i mirë në 24 orët e fundit është se janë shëruar 505 qytetarë, duke e çuar numrin e të shëruarve 41,969 që nga fillimi i epidemisë. Aktualisht në 4 spitalet Covid, po trajtohen 279 pacientë, 24 në terapi intensive nga të cilët 5 pacientë janë të intubuar. Ministria e Shëndetësisë dhe Mbrojtjes Sociale, i bën apel qytetarëve të mos e ulin vigjilencën në zbatimin e rregullave anti-covid; Vendosni maskën mbrojtëse në çdo ambient jashtë shtëpisë; shmangni grumbullimet dhe ruani distancimin fizik; kujdesuni për higjienën vetjake, vetëm kështu parandaloni përhapjen e Coivd-19.

COVID-19 – Statistika (20 Janar 2021)

Raste të reja ditore 670
Të shëruar në 24 orë 505
Të shtruar në spitale 279
Humbje jete në 24 orë 4
Testime ditore 3331
Testime totale 321,372
Raste pozitive 69,238
Raste të shëruara 41,969
Raste aktive 25,978
Humbje jete 1291

Shpërndarja gjeografike e rasteve aktive sipas qarqeve:

Tiranë 15156
Fier 1953
Durrës 1444
Shkodër 1320
Elbasan 1055
Vlorë 1019
Lezhë 962
Korçë 874
Berat 812
Dibër 506
Gjirokastër 502
Kukës 375