“41 bis”. 5 nga 7 bosët e krimit kundër vendimit

Avokati i Emiliano Shullazit ka kundërshtuar në gjykatën e Posaçme vendimin për klientin e tij që t’i nënshtrohet regjimit 41 bis. Ai thotë se vendimi i marrë më herët nga ministrja e Drejtësisë Etilda Gjonaj është i kundraligjshëm dhe abuziv.

Avokati thotë se me këtë vendim është “ cënuar rëndë parimi themelor i prezumimit të pafajsisë, derisa fajësia e tij të provohet ligjërisht”. Avokati kërkon shfuqizimin nga gjykata të vendimit pasi thotë se është në kundërshtim dhe me kushtetutën.

Ndërkohë Shullazi nuk është i vetmi që del kundër vendimit, në të linjë janë edhe Endrit Zela, Endrit Qyqja, Gilmando Dani dhe Blerim Shullazi.