460 objekte për tu shembur në qarkun e Durrësit, kryeson Shijaku

Nga inspektimi i kryer deri më tani në terren nga grupet e ekspertëve shqiptarë e të huaj. Në Qarkun e Durrësit janë verifikuar deri më tani në total, 6048 objekte. Teksa deri më tani në qarkun e Durrësit janë shembur 43 objekte, nga verifikimet që janë bërë, mbeten për tu shembur edhe 460 godina. Ndërkohë është mbyllur procesi i shembjeve në Thumanë, ku në total në këtë zonë u prishën 10 objekte, njëra shkollë, dhe të tjerat pallate. E njëjta situatë edhe në Bubq ku procesi është mbyllur me shembjen e vetëm dy objekteve, 1 shkollë dhe një pallat 2 katësh.

Bashkia Durrës-1963 Objekte të inspektuara, 639 të pabanueshme, 88 për tu prishur;

Bashkia Krujë-2428 Objekte të inspektuara, 910 të pabanueshme, 27 për t’u prishur;

Bashkia Shijak-1657 Objekte të inspektuara, 901 të pabanueshme, 345 për t’u prishur;

Në Bashkinë Durrës, janë dëmtuar 12 institucione arsimore, dhe 7071 nxënës të këtyre shkollave janë transferuar në 15 shkolla të tjera pritëse.