5 problemet e shqiptarëve, që duan të jenë prioritet i qeverisë

Në Kuvend prej orës 10:00 po prezantohet dhe po analizohet programi qeverisës ”Rama 3”. Por çfarë duan shqiptarët? Ekonomia, papunësia, korrupsioni, shëndetësia dhe emigrimi janë shqetësimet kryesore të shqiptarëve, zbuloi sondazhi i emisionit Barometri në ”Euronews Albania”.

Këto çështje duket se shqiptarët kanë pritshmëri t’i shohin në listën e prioriteteve të kryeministrit Edi Rama dhe kabinetit të tij qeveritar në 4 vitet e ardhshme.

Të pyetur si e gjykojnë situatën e vendit në përgjithësi qytetarët u shprehën pesimistë, pasi 43.3% thanë se e shohin atë si disi dhe shumë të keqe, ndërsa 37% ishin neutralë dhe vetëm 19.5% e shihnin si pozitive.