50 refugjatët në Durrës, 2000-4000 euro për të ikur në…

E kemi thënë që Shqipëria nga refugjatët shihet si një ”rrugë e artë” për kalimin më pas drejt vende të BE-së. 50 refugjatë u kapën sot nga policia në Durrës. Nevoja për punë dhe një jetesë më të mirë ka sjellë vitet e fundit mjaft egjiptianë në Durrës ku janë punësuar legalisht në sektorin e peshkimit.

Shumë të tjerë enden në rrugët e Durrësit e Tiranës, së bashku me shtetas të tjerë sirianë dhe marokenë me shpresën për të kaluar në Itali. Ata që dështojnë kalimin nga porti i Durrësit synojnë rrethinat e largëta bregdetare, të kontaktuar nga persona që u premtojnë kalimin me skafe në bregun tjetër të Adriatikut.

Përmes kësaj vale të re refugjatësh është aktivizuar linja e trafikimit të qenieve njerëzore. Kundrejt 2000-4000 euro refugjatëve u premtohet dërgimi në Itali, po shumica e tyre janë pa të ardhura e përpiqen t’i gjejnë dhe duke vjedhur, apo bërë punë të rëndomta. Të tjerë në pamundësi tentojnë kalimin në këmbë të kufirit shqiptaro-malazez përmes Shkodrës për të udhëtuar më tej drejt Italisë.