6 marsi/ Balla nga Lushnja: Do të rrisim mbështetjen për fshatin përmes skemës së naftës pa akcizë

Më 6 mars, këtë të dielë do të mbahen zgjedhjet e pjesshme lokale, ndaj dhe sot drejtuesi politik i PS për qarkun e Fierit, Taulant Balla zhvilloi një takim me banorët e fshatit Ngurrëz të Lushnjes, bashki ku do të ketë zgjedhje. Ai tha se shumë projekte të planifikuara për Lushnjen do të marrin mbështetjen e qeverisë.

“Jam këtu t’ju kërkoj votën për Eriseldën. Janë shumë arsye që duan të votojnë për të. Eriselda është jë prej jush, edhe për ne i ka ngjitur ato shkallet e suksesit një pas një.

Ne do ta mbështesim fuqimisht Eriselden për të rritur sa më shumë mbështetjen për fshatin. Përmes skemës naftës pa akcizë dhe subvencionimit direkt. Plot projekte që ka shumë nevojë këtu dhe në Lushnje duhet të marrin mbështetjen e qeverisë”.