7 viktima sot nga Covid-19, mes tyre një 34 vjeçar nga Tirana

Një 34-vjeçar nga Tirana me sëmundje bashkëshoqëruese, është viktima më e re në moshë në 24 orët e fundit. Virusi vdekjeprurës, u shkaktoi vdekjen edhe një 44-vjeçari, 66-vjeçari nga Tirana. Nuk mundën të mbijetonin dhe një 48-vjeçar nga Pogradec, një 68-vjeçar nga Korça, një 68-vjeçar nga Elbasani si dhe një 81-vjeçar nga Fieri me sëmundje bashkëshoqëruese. Ministria e Shëndetësisë ka kryer 274 testime më pak krahasuar me një ditë më parë, ndaj edhe numri i të infektuarve këtë të shtunë është më i ulët, 241. Të premten hapi dyert spitali i tretë Covid, në ambientet e ish-kurirgjive në QSUT. Në të do të marrin trajtim 6 pacientë, të cilët janë në gjendje më të lehtë shëndetësore.