8 muajt që kanë ndryshuar përditshmërinë tonë

Urimet për ndërrimin e viteve, i bëmë në një kohë që Kina dhe Wuhani na dukeshin larg. Të gjithë kemi 8 muaj që po luftojmë në disa fronte. Por si ka ndryshuar individi dhe shoqëria, në këtë situatë? Çfarë na ka dhënë dhe çfarë na ka marrë Covid 19-ta? Kjo gjë ka prekur që nga plaku deri tek foshnja.

“Na marrë lirinë për të lëvizur. Kushedi ku do kishim shkuar tani, ndonjë udhëtimi nëpër këtë vjeshtën me ngjyra magjepsëse”,-shprehet një qytetar. “Më ka dhënë qetësinë, sepse e kam shtëpinë mbi tre lokale, ku nuk bëhet më zhurmë në orët e natës, që kur ka nisur pandemia”,-thot një tjetër. ”As na ka dhënë as na ka marrë, është një përvojë, jemi përshtatur, se ndaj jemi njerëz, jemi programuar të mbijetojmë”,-nënvizon një zonjë.

Individi është bërë më paranojak, ka më shumë frikë, është i dhënë pas ilaçeve. Bëjmë sikur nuk e shikojmë njëri tjetrin në rrugë, na duket tjetri i padobishëm, po bëjmë shumë gjëra, vetëm në emër të jetës. Familja, shkolla, spitali, shoqëria, argëtimi, nuk janë më si më parë.