9 të kërkuarit e rrezikshëm të policisë që nuk janë arrestuar, njësia ”Fast” nuk po kap njeri

Kapja e personave me rrezikshmëri të lartë shoqërore e atyre të shpallur në kërkim ndërkombëtar vijon të jetë një shqetësim për Shqipërinë.

Fotot e tyre thjesht vijojnë të jenë të afishuara në rastin më të mirë e në atë më të keq nuk janë të publikuara sepse faqja e policisë së shtetit nuk punon. Behar Bajri është vetëm një i ekstraduar pas arrestimit në Francë.

Laert Haxhiu i prangosur në Greqi e Gramoz Rexhepi në Turqi janë dy të shumëkërkuar të tjerë për të cilët Shqipëria shpresat i ka varur tek suksesi i procedurave të ekstradimit.

Ngritja e njësisë ”Fast” me aq bujë në vitin 2019 thuajse nuk çoi asnjërin prej kësaj liste në pranga edhe pse krimet ndodhnin brenda territorit Shqiptar.