A do i bashkohet ekipit kundër koronavirusit? Ish-deputeti: Jam e do jem këtu
Ish-deputeti i PD-së, njëherësh mjeku reanimator, Tritan Shehu i është përgjigjur thirrjes për t’u bashkuar me ekipin e bluzave të bardha që po përballen me betejën kundër koronavirusit, për t’u ardhur në ndihmë personave të prekur në Shqipëri.
Shehu në një postim në Facebook shkruan se ai ka qenë në kontakt të vazhdueshëm me kolegët e tij, madje s’ka reshtur së dhëni kontribut, duke kërkuar marrjen e masave që në zanafillën e përhapjes së koronavirusit.
REAGIMI I SHEHUT
Betimi i Hipokratit ka qene e eshte udherrefyesi im!
Keshtu dua t’u pergjigjem disa “papagajve”, qe dje te “shqetesuar” pyesnin a do te shpreh une gatishmerine nepermjet atij “portali” per te dhene ndihmen time ne perballje me kete epidemi te rrezikeshme.
Qe prej periudhes studentore e deri me sot, pavaresisht detyres qe kam pasur si reanimator – anestezist, drejtues i atij sherbimimi, profesor, si njohes i politikave shendetsore etj, asnjehere nuk kam shkeputur lidhjet e bashkepunimin me koleget e specialitetit tim, vendas apo te huaj, por mbi te gjitha asnjehere nuk kam neglizhuar ne ndihmen ndaj cdo kujt, qe ka pasur nevoja shendetesore.
Edhe ne kete periudhe prej janarit, kur rreziku qe po na afrohej ishte i qarte per mua, dhashe alarmin, fola, shkrova, publikova, kerkova masa urgjente pregatitore ne nivelin organizues e mjekues te lidhura me kujdesin paresor, kapacitet laboratorike, karantinizimin modern, domosdoshmerine e forcimit te sistemeve te urgjences, klinikave infektive e pa dyshim sherbimeve te Terapise Intesive, jo thjesht duke kritikuar, por paraqitur dhe alternativa reale.
Fatkeqesisht keto rane ne vesh te shurdher, disa “papagaj” ironizuan, ndonje me akuzoi per “panik”, duke humbur mbi dy muaj shume te cmuara pregatitje ne te gjtha hallkat e “luftes” qe nga parandalimi, kapacitet klinike e deri te masat mbrojtese per personelin shendetsor, i cili eshte shume i cmur jo vetem per kete beteje, por qe fatkeqesisht ne keto vite u la ne mizerje, u kercenua, u diskriminua, per te perfunduar edhe mbas “hekurave”.
Dhe disa pjestare te asaj “orkestre”, pergjegjese per sa po ndodh guxojne te me drejtojne mua te tilla pyetje provokuese sot!
Une jam e do jem ketu, ne bashkepunim e kontakte te aferta me koleget e mi te vijes se para Reanimatoret, me te gjitha dijet e eksperiencen time, jam ketu per te gjithe ata, qe duan te marrin mendimet e mia ne ceshtjet e organizimit e politikave shendetesore, pa asnje dallim ne keto momente te veshtira..
Une jam i bindur qe me vullnet, pune, dije, perkushtim e seriozitet kjo beteje mund te fitohet, rendesi ka me sa me pak humbje.
