A është në krizë financiare Partia Demokratike?!

Partia Demokratike, është në kërkim të donatorëve për të mbledhur sa më shumë financa nga mbështetësit e saj.

Kjo “thirrje” e PD­-së bëhet përmes një dritareje të veçantë në faqen zyrtare të Partisë Demokratike.

Në këtë dritare shkruhet “Dhuro” dhe në të janë publikuar numrat e llogarive bankare në dy banka, konkretisht në Bankën Ndërkombëtare Tregtare dhe në Raiffeisen Bank.

Në këtë mënyrë, PD-­ja tërheq burime të reja financiare duke iu drejtuar mbështetësve të saj në mënyrë krejtësisht publike dhe zyrtare.

Kalimi në opozitë duket se ka rrudhur edhe burimet financiare të PD­-së për këtë fushatë elektorale.

Kryetari i Partisë Demokratike, Lulzim Basha gjatë fushatës elektorale urdhëroi 61 kandidatët e djathtë që paratë për fushatën t’i gjejnë vetë, pasi PD nuk do t’u japë asnjë qindarkë.

Basha u bëri të qartë të gjithë kandidatëve që paratë për fushatën t’i nxjerrin nga xhepi i tyre ose të kërkojnë ndihmën e simpatizantëve të PD-­së. Pas këtij urdhri, të gjithë kandidatët e djathtë i mbuluan vetë shpenzimet e fushatës që nga hapja e zyrave elektorale në mbarë vendin, karburanti i makinave, lëvizja në zona të ndryshme elektorale, posterat, etj.