A janë gati ndryshimet e ministrave në PS dhe LSI?

Burimet afër kreut të LSI, Ilir Meta bëjnë të ditur se aleati kryesor i koalicionit ka bërë gati propozimet për kryeministrin Edi Rama në lidhje me ndryshimin e dy ministrave. Bëhet fjalë për ndryshime në dy prej ministrive që i përkasin Lëvizjes Socialiste për Integrim.

Po të njëjtat burime saktësojnë se Meta ka ndërmend emrat e dy deputetëve të kësaj force politike. Në këtë mënyrë, LSI do të zyrtarizonte deklaratat dhe pretendimet e bëra publikisht përmes liderit të saj Meta apo edhe deputetëve të kësaj force politike, për impulse të reja në qeveri.

Ndërsa edhe nga PS po bëjnë gati valixhet e dorëzimit dy ministre. Ditët e fundit ka pasur takime intensive mes dy drejtuesve të koalicionit, ku mësohet se është diskutuar dhe për emra konkretë të ministrave që do lëvizin.