Aboneja si pasaportë, nga 1 gushti nis ndryshimi

Nëse ju ka rënë një herë të vetme një abone në duar, duhet t’i keni parë në pjesën e pasme ato rreshtat që kërkojnë emrin, mbiemrin, datëlindjen dhe një fotografi personale. Askush, e theksojmë, askush s’i ka marrë parasysh deri më sot.

Njihuni me abonenë pasaportë. Që nga data një gusht, aboneja juaj duhet të ketë foto tuajën me përmasa 3 × 2.5 dhe duhen shënuar në të emër, mbiemër dhe datëlindje. Çdo përdorues tjetër i abonesë nuk do të pranohet të udhëtojë në autobus pa paguar për një biletë udhëtimi.