Ab*zimi sek*sual me 23-vjeçaren nga Shqipëria, në mesin e të arrestuarve është edhe babai i një ish-deputeti

Një 23-vjeçare nga Shqipëria, e cila vuan nga problemet mendore, dyshohet se është abuzuar seksualisht nga dy persona në Pejë, të cilët janë arrestuar. “Dy persona janë arrestuar për veprën penale të dhunimit të 23 vjeçares nga Shqipëria”, ka thënë zëdhënësi i Prokurorisë Themelore në Pejë, Shkodran Nikçi.

Telegrafi mëson se të arrestuarit janë Sh.B dhe I.G. Njëri nga të arrestuarit është edhe babai i një ish-deputeti të Kuvendit të Kosovës. Lidhur me rastin është sekuestruar edhe një veturë.

Kjo medie ka provuar të kontaktoi me ish-deputetin, por deri në momentet e publikimit të këtij shkrimi nuk është përgjigjur. Ngjarja e rëndë për 23 vjeçaren dyshohet të ketë ndodhur në një motel në qytetin e Pejës.