Administrativja: Zgjedhjet e Dibrës do mbahen në datën e Nishanit

Gjykata Administrative ka rrëzuar kërkesën e Partisë Socialiste për pezullimin e dekretit të Presidentit, për zgjedhjet në Dibër. Sipas këtij vendimi argumentohen edhe arsyet e këtij refuzimi.

Sipas pikës 1, Administrativja jep vendime jopërfundimtare vetëm në rastin e mospranimit të padisë dhe të pushimit të gjykimit.

Kurse arsyeja e dytë është ajo që, gjykata vendos mospranimin e padisë, kur padia nuk plotëson kushtet formale të paraqitjes së saj.

Për këto, kjo gjykatë ka vendosur dje rrëzimin e kërkesës së Partisë Socialiste për të pezulluar dekretin e presidentit Nishani, për ditën e zgjedhjeve për kryetar bashkie në Dibër.

Kujtojmë se Presidenti përcaktoi 11 shatorin për zgjedhjet në Dibër, pasi në 1 gusht Gjykata Kushtetuese e quajti të vlefshme procedurën e ndjekur nga qeveria, për shkarkimin e Shukri Xhelilit.