Gjovalin Daragjatim administrator i Dajçit në Shkodër ka kërkuar që institucionet në vend të reagojnë në lidhje me situatën e rënduar në vend. Për Syri.net, Daragjati tha se banorët mund ta braktisin vendin pas braktisjes nga qeveria dhe se kjo do të ishte e pafalshme.
Nga ana tjetër, ai shtoi se janë mbi 1900 hektarë të përmbutura dhe se temperaturat e ulëta po ua bëjnë shumë të vështirë jetesën banorëve të zonës.
”Ka rreth 1900 hektarë tokë bujqësore të përmbytura. Shumë familje po sakrifikojnë gjithçka për të mbajtur gjallë gjënë e gjallë, sepse qeveria i ka lënë në harresë. Siç e shikoni, koha është e qartë dhe gjithçka është përmbytur. Këtu nuk është parë asnjë ministër, asnjë institucion që të fladsë në lidhje me këtë situatë. Këto temperatura të ulëta e bëjnë akoma më të vështirë situatën. Kemi ngrica dhe acar në të gjithë zonë. Duhet t’i japim një zgjidhje afatgjatë. Njerëzit mund të braktisin vendin dhe kjo është e pafalshme. Njerëzit po humbin jithçka që kanë fituar. Janë munduar që gjithçka që kanë punuar në emigrim, ta investojnë këtu, por po i humbin. Është një ndër zonat më të begata që ka Shkodra, por jetesa në këtë vend po bëhet më e vështirë”,-tha Daragjati.
