Adriatik Alimadhi kërkon mandatin e deputetit, dorëzon formularin e dekriminalizimit

Adriatik Alimadhi, i gjashti në listën e PD-së për Vlorën në zgjedhjet e përgjishme të 25 qershorit 2017 ka dorëzuar formularin e dekriminalizimit në KQZ për të marrë mandatin e deputetit.

Alimadhi është edhe kryetar i Ballit Kombëtar në Vlorë.

Më herët dorëzuan formularin Amra Barova dhe Arben Elezi. Barova është kandidate e LSI në qarkun e Shkodrës ndërsa Elezi kandidat i PD-së në Elbasan.

Ndërkohë sot në Kuvend u betuan deputetët Ralf Gjoni, Nimet Musai dhe Enada Kapllani.