Adriatik Lapaj në protestën para Kryeministrisë: Ajo që i ndodhi Egit mund t’i ndodhë secilit prej nesh
![](https://kohajone.com/wp-content/uploads/2024/08/900-0-1724093572xbbc2d438-0fbe-4823-952d-b9073d9c8e5b-512.jpg)
Adriatik Lapaj, koordinatori i lëvizjes “Shqipëria Bëhet”, tha në protestën e zhvilluar para Kryeministrisë për vrasjen e Egli Progës, se kjo ngjarje e rëndë mund t’i ndodhë secilit prej nesh. Ai shtoi se raste të tilla e kanë kthyer Shqipërinë në një vend të pasigurt, ku të gjithë duan të largohen.
”Nesër mund t’i ndodhë secilit prej nesh. Kjo e ka kthyer Shqipërinë në një vend të pasigurt, ku secili do të ikë. Kjo duhet të ndryshojë me bashkim e reagim. Nga reagimi juaj, versioni i parë ku Eglin e pretenduan si një pijanec që vdiq rastësisht, ra poshtë. Prokurorja u tërhoq”, tha Lapaj.
“Është koha e drejtësisë dhe nuk duhet ta lëmë. Mund të falim një fëmijë që ka frikë nga errësira, por nuk mund të falen të rriturit që kanë frikë nga drita”, shtoi Lapaj.