Afganët në Tiranë, Arben Ramkaj: Triumfi më i madh i kombit shqiptar

Nesër në mëngjes pritet që të vijë grupi i parë me afganë, të cilët do të strehohen në konviktet tek ”Qyteti Studenti”. Kryetari i Qendrës Ndërfetare në Elbasan, Arben Ramkaj thotë se Shqipëria i ka bërë shumë shërbime SHBA, por megjithatë nuk barazohen me vendimin e luftës së Kosovës nga presidenti Klinton dhe njohja e Kosovës si shtet i pavarur. Sipas tij, Shqipëria ka ç’të ofrojë në politikën ndërkombëtare dhe ka gjithashtu mundesi të përfitojë atë që i takon.

“Shqipëria i ka bërë shumë shërbime SHBA. Qysh nga pritja e të kthyerve të Guantanamos, Ujgureve Kinez, pritjen e opozitës Iraniane te kampeve Ashraf dhe pritjen e Afganistanezeve. E sherbime te tjera qe kane të bejne me politiken rajonale.

Te tëra keto qëndrime gezojnë një palë e acarojne palë te tjera në politikbërjen botërore. E megjithatë keto shërbime nuk barazohen në peshore me vendimin e luftës se Kosoves nga presidenti Klinton dhe njohjen e njëanshme të ShBA dhe vendeve perëndimore te Kosovës si republike e pavarur dhe shtet i së drejtës që është triumfi me i madh i kombit Shqiptar ne 100 vitet e fundit.

Shpresojme që këto sherbime miqësie të perkthehen dhe ne investime Amerikane në Shqipëri si dhe ne levizjen e lirë të qytetarëve. Shqipëria ka çtë ofroje ne politikën ndërkombëtare dhe ka gjithashtu mundesi të përfitojë atë që i takon. I vetmi problem serioz që politikanët tane kane është që keto qëndrime të jen vizion kombëtar dhe jo si shkop shantazhues per kundërshtarët politikë”, thekson ai.