Ajeti: Ja e vërteta e largimit tim nga fusha

Futbollisti më i mirë i Shqipërisë në ndeshje me Francën, pa dyshim që ishte Arlind Ajeti, i cili debutoi në Evropian në mënyrën më të mirë të mundshme.

Derisa ai ishte në lojë rezultatin ishte i barabartë dhe vetëm pas dy minutave që ai u largua duke ia lënë vendin, Federik Veselit, Kombëtarja shqiptare pësoi gol.

Ajeti ka deklaruar pas ndeshjes se ka pasur dhimbje në kofshë.

“Kam pasur dhimbje në kofshë dhe trajneri më ka larguar. Kemi dhënë më të mirën tonë në ndeshjen e sontme dhe besoj që kemi treguar cilësitë tona. Franca kishte një ekip të mirë, të gjithë ishin të mirë dhe e dominuan ndeshjen. Presim të fitojmë kundër Rumanisë”, tha Ajeti.