Aksident fatal në Bathore, shoferi përplas këmbësoren

Një aksident me vdekje ka ndodhur këtë të enjte në Bathore. Sipas policisë, këmbësorja rreth 65 vjeçe ka humbur jetën në spital. ”Më datë 05.02.2026, rreth orës 16:30, në Bathore, automjeti me drejtues shtetasin E. B., rreth 40 vjeç, ka përplasur këmbësoren shtetasen Sh. Sh., rreth 65 vjeçe, e cila për pasojë ka humbur jetën në spital”, njofton policia. Drejtuesi i automjetit u shoqërua në Komisariat për veprime të mëtejshme procedurale. Grupi hetimor vijon punën për sqarimin e rrethanave të aksidentit.