Aksident fatal në Fushë-Krujë, përplaset për vdekje një grua

Një aksident i rëndë ka ndodhur në orët e para të mëngjesit, në afërsi të urës së Fushë-Krujës, ku mjeti tip Benz me drejtues shtetasin D.V, ka aksidentuar shtetasen këmbësore Sh.K. 56 vjeçe, e cila ka ndërruar jetë në spitalin e Traumës Tiranë.

Drejtuesi është shoqëruar në ambientet e Stacionit të Policisë Fushë – Krujë për sqarimin e rrethanave të ngjarjes dhe kryerjen e veprimeve të mëtejshme procedurale.