Aksident i rëndë në aksin Fier – Seman, humb jetën adoleshenti

Një person ka humbur jetën dhe një tjetër është plagosur si shkak i një aksidenti sot në mëngjes në aksin rrugor Fier-Seman, ne vendin e quajtur “Ferma e Çlirimit”.

Sipas detajeve të para nga policia, një automjet ka përplasur një motoçikletë, në të cilën udhëtonte një 14-vjeçar dhe një person tjetër pasagjer. Për pasojë, i riu ka humbur jetën, ndërsa pasagjeri është plagosur.

Nuk dihet identiteti i viktimës dhe personit të plagosur, ndërsa drejtuesi i mjetit është larguar menjëherë pas aksidentit.