Aksident në Berat, plagosen dy persona

Një aksident ka ndodhur ditën e sotme  në aksin rrugor Berat-Dimal, në vendin e quajtur Kombinat.

Bëhet me dije se mjeti tip Benz me targa AA779 HE ka goditur nga pas mjetin tip Range Rover me targa AA 444VC. Si pasojë e goditjes  kanë mbetur të plagosur dy shtetas.

Të plagosurit janë dërguar me ambulancë në Spitalin Rajonal të Beratit, ku ndodhen nën kujdesin e mjekëve jashtë rrezikut për jetën, edhe pse kanë marrë shumë goditje në pjesë të ndryshme të trupit.

Në vendin e ngjarjes kanë mbërritur policia dhe grupi hetimor për të bërë zbardhjen e plotë të shkaqeve.

Nga të dhënat paraprake shkak i aksidentit mendohet të jetë bërë lagështia në rrugë. Mjeti tip Benz ka tentuar të parakalojë, ka humbur kontrollin dhe ka goditur nga pas mjetin tjetër.