Aksident në Thumanë, një nga të plagosurit me urgjencë drejt Tiranës (VIDEO)

Një aksident ka ndodhur paraditen e kësaj të hëne në segmentin rrugor nga Thumana në drejtim të Fushë-Krujës. Mësohet se dy makina janë përplasur me njëra-tjetrën dhe njëra prej tyre është anuar në mes të rrugës. Sipas informacioneve të para, të paktën dy të plagosurit kanë mbetur nga aksidenti, ku njëri prej të cilëve është nisur rëndë drejt Tiranës. Nga aksidenti është shkaktuar edhe një trafik i rënduar. Policia ndodhet në vendngjarje për të kryer zbardhjen e plotë të rrethanave dhe të shkaqeve të aksidentit.