Aksident tragjik në Itali, humb jetën emigranti shqiptar

Një shqiptar ka humbur jetën tragjikisht në Itali, i përplasur nga një makinë.

Aksidenti i rëndë ka ndodhur pasditen e djeshme, e shtunë, në zonën e

Centobuchi të Monteprandone.

Viktima është një emigrant shqiptar rreth 50 vjeç, i cili humbi jetën si pasojë e dëmtimeve të marra nga goditja e makinës.

Ishte një makinë Fiat 500, ajo që përplasi shqiptarin, i cili pavarësisht dërgimit në spital u deklarua i vdekur.

Nga ana e policisë u bë shoqërimi i drejtuesit të mjetit, teksa hetimet për zbardhjen e ngjarjes janë në vijim.