Aksidentohet dhe merr flakë kamioni me 25 mijë litra alkool në Vorë

Një aksidenti i rëndë që rrezikon të shndërrohet në një tragjedi, po ndodh në këto momente në autostradën Tiranë – Durrës, sapo kalon Bashkinë e Vorës.

Pranë një nënkalimi është batuar një kamion, i cili përmban një ngarkesë me rreth 25 mijë litra alkool bullgar.

Aktualisht kamioni po mbahet nën kontroll nëpërmjet 4 makina të zjarrfikëses, që po lëshojnë ujë, sepse ka rrjedhje të alkoolit.

Në vendngjarje po evakuohen banorët përreth, në mënyrë që të parandalohen dëmet në njerëz, në rast eksplozioni.

Policia e shtetit ka dhënë sqarime mbi aksidentin e ndodhur mbrëmjen e së enjtes rreth orës 20:45, te nënkalimi i Vorës.

“Në vendin e njohur si “tetëshi i Vorës” një autobot me alkool etilik, me targa bullgare PB6840PA, dhe me drejtues një shtetas Bullgar, është futur në nënkalim për të ikur në veri të vendit.

Si pasojë e një manovrimi të gabuar nga drejtuesi i autobotit është përmbysur.

Në vendngjarje janë forcat e policisë, zjarrfikëset dhe shërbime të emergjencave civile. Po kryen veprimet”- thotë policia.