Aksidentohet Tom Doshi. Makina u përplas në hyrje të Velipojës

Tom Doshi është aksidentuar sot në hyrje të Velipojës. Policia njoftoi se makina e tij, një Audi i blinduar, është përplasur me një BMW që udhëtonte në drejtim të Shkodrës. Mësohet se Doshi nuk është lënduar. Nuk është lënduar as shoferi i tij, Klodian Mema. Makina tjetër drejtohej nga Ramazan Gjeka, banues në Hot të Ri. Edhe Gjeka ka shpëtuar pa dëmtime. Policia rrugore po heton shkaqet e aksidentit.