Aksioni i Policisë në Memaliaj, asgjësohen 13 mijë rrënjë hashash

Drejtoria e Policisë së Gjirokastrës ka zhvilluar sot një tjetër aksion kundër kultivimit të bimëve narkotike.

Nga kontrolli i ushtruar në vendin e quajtur “Mali i Mukaj”, Luftinjë 2 , Njësia Administrative Luftinjë në, Memaliaj, u konstatuan dhe u asgjësuan në 7 parcela 13 000 bimë të dyshuara Cannabis Sattiva.

Bimët u asgjësuan në vend me anë të djegies. Policia njoftoi se po punon për identifikimin dhe kapjen e autorëve.