AKU bllokon 5 ngarkesa misri blegtoral me aflatoksinë, vinin nga Serbia e Greqia

Autoriteti Kombëtar i Ushqimit ka bllokuar pesë ngarkesa të importuara misri blegtoral për kafshë pasi është konstatuar nivel mbi normë i aflatoksinës B1.

Katër ngarkesat nga Serbia dhe një nga Greqia që u identifikuan nga drejtoritë rajonale të Shkodrës e Vlorës, do të asgjësohen ose kthehen në vendin e origjinës.

AKU thotë se ka sinjalizuar pranë INFOSAN dhe RASSF për të njoftuar autoritetet serbe dhe greke.