Të gjitha lavazhot në vend kanë afat deri më 31 tetor për të ndërprerë përdorimin e ujit të pijshëm në aktivitetin e tyre dhe për të siguruar burime alternative furnizimi.
AKUK njofton se pas këtij afati do të intensifikohen kontrollet në të gjithë vendin, ndërsa shkelësit do të përballen me masat administrative të parashikuara nga ligji.
Drejtori i Përgjithshëm i AKUK, Fludian Çuka, paralajmëroi gjithashtu se ndërhyrjet apo lidhjet e paligjshme në rrjetin publik do t’u referohen organeve kompetente.
Sipas AKUK, përdorimi i paligjshëm i rrjetit rrit humbjet dhe mund të cenojë furnizimin normal me ujë të qytetarëve.