Alarm të Unaza e Re/Forcat speciale të policisë gati për prishjen e shtëpive

Ish-kryeministri Berisha, citon burime të besueshme, sipas tij, se ministri brendshëm Sandër Lleshi ka bërë gati forcat speciale për ti rrëzuar me forcat e bashkisë dhe ministrisë së transportëve disa banesa përgjatë Unazës së Re të Tiranës.

Sipas tij forcat e FNSH po bëhen gati që sonte, për nesër, të prishin në orët e para të mëngjesit disa prej godinave.

“Ndal dhunës, terrorit dhe prishjes së banesave në Unazën e Re!”, shkruan Berisha, ndërsa publikon edhe mesazhin e oficerit dixhital.

“Doktor mirmbrema jam oficer policie neser do shebmen ca shpia tek unaza e re, sesa jane nuk e dime sakte dhe as vendin, vetem e dime qe po behen gati qe sonte forca e nderhyrjes se shpejte dhe do jene aty qe ne 3 te mengjesit…”

Kujtojmë se, banorët e Astirit janë në protesta të përditshme prej muajsh në mbrotje të banesave dhe bizneseve të tyre. Në Zonën e Unazës së Re është dhënë alarmi që sonte.