Rreth orës 03:18 të mëngjesit, një aksident i rëndë ka ndodhur në aksin rrugor “Gjirokastër-Tepelenë”, në vendin e quajtur “Bypass”.
Përplasja ka përfshirë dy automjete, duke sjellë pasojë tragjike humbjen e jetës së dy drejtuesve dhe një pasagjeri, ndërsa një vajzë e re ka mbetur e dëmtuar dhe ndodhet nën kujdesin e mjekëve.
Autoritetet hetimore po vijojnë punën për të sqaruar rrethanat e plota të aksidentit.
Tepelenë/Informacion paraprak
Rreth orës 03:18, në aksin rrugor “Gjirokastër-Tepelenë”, në vendin e quajtur “Bypass”, automjeti me drejtues shtetasin M. D., 25 vjeç, banues në Tepelenë është përplasur me automjetin që drejtohej nga shtetasi K. M., 24 vjeç, banues në Tepelenë.
Si pasojë e aksidentit, kanë humbur jetën dy drejtuesit e automjeteve, pasagjeri shtetasi A. R., 27 vjeç, banues në Tepelenë, si dhe ka mbetur e dëmtuar shtetasja A. D., 19 vjeçe, banuese në Delvinë, e cila ndodhet në spitalin e Traumës, në kujdesin e mjekëve.
Grupi hetimor vijon punën për sqarimin e plotë të rrethanave të aksidentit.
