Alarmi në Durrës – Dyshime për eksploziv, forcat xhenio nuk gjetën lëndë plasëse në mjet

Policia e Durrësit është vënë në alarm pasditen e sotme nga dyshimet për vendosje eksplozivi ndaj një automjeti.

Ka qenë drejtuesi i makinës që ka sinjalizuar policinë. Menjëherë policia bllokoi qarkullimin e automjeteve në aksin Durrës- Shijak.

Forcat xheniere kanë bërë kontrollin e mjetit ku më pas bënë me dije se nuk kanë konstatuar lëndë plasëse.

Automjeti po transportohet me karotrec drejt një pike servisi, ku pritet të bëhet një kontroll i detajuar nga ekspertët antieksploziv.