Alizoti-Ramës: I thoshte vëlla Vuçiçit dhe përqeshte Kurtin. Siç erdhi pa brekë, ta çojmë pa brekë

Drejtuesi politik i PD në qarkun Elbasan, Tomor Alizoti gjatë fjalës së tij para qytetarëve në takimin elektoral, ka hedhur akuza ndaj kryeministrit Edi Rama duke thënë se ”Çyryku burgosi Ervin Salianjin”. Për të Rama shkonte në Beograd dhe i thoshte presidentit serb, Aleksandër Vuçiçit vëlla, ndërsa kryeministrin e Kosovës, Albin Kurtin, e përqeshte.

Pjesë nga fjalimi

Këto ditë javë vendimtare që të çlirohet kombi kombëtar. Mos harroni se ky njeriu shkonte në Beograd dhe i thoshte Vuçiçit vëllai im dhe përqeshte Albin Kurtin. Mos harroni se kur u vra Afrim Bunjaku, i kam shkuar në shtëpi dhe kam takuar vajzën e tij të vetme, e cila qante për babain e vetë dhe i kam thënë ato fjalë në parlament.

Afrim Bunjaku, heroi nuk ta shoh vajzën e vetë të martohet, ndërsa i biri i Kristaqit, sllavo-kumunisti, tha pas një jave se toka e Mitrovicës nuk i përket askujt. Të nderuar demokrat çohuni të gjithë, që këtë njeri ordiner, siç erdhi pa brekë, ta çojmë pa brekë. Ky që ka jetuar tërë jetën në vila, dje tha dy fjalë. Tha që Alizoti po ngatërrohet me partinë e gabuar, vendin e gabuar dhe njeriun e gabuar.

O çuni Kristaqit, ne e kemi kënaqësi të merremi me ish-Partinë e Punës. Pastaj ky do mbetet në historinë e kombit shqiptar, njeriu i vetëm që në sheshin e Tiranës vuri kokën e tij. E keni parë që në Tiranë një ndërtesë me formën e kokës së tij. Nëse Shqipëria sot i ka bërë gjithçka, kur të vijë PD-ja do t’i bëjë falas. Për të parë kokën e tij do ta bëjmë me biletë.