Ambasada amerikane del me njoftim të rëndësishëm për certifikatën e vaksinës dhe testin Covid

Ambasada e SHBA në Tiranë ka dhënë një informacion të rëndësishëm për të gjithë ata që duan të udhëtojnë nga Shqipëria drejt SHBA-ve, që lidhet me rregullat antiCovid.

Ambasada u bën apel qytetarëve që të ndjekin rregullat aktuale të Qendrës për Kontrollin dhe Parandalimin e Sëmundjeve para se të vendosin të udhëtojnë.

NJOFTIMI

Po planifikoni të udhëtoni nga Shqipëria për një vizitë në Shtetet e Bashkuara? Shtetasit jo amerikanë të cilët vizitojnë Shtetet e Bashkuara, duhet të ndjekin rregullat aktuale të Qendrës për Kontrollin dhe Parandalimin e Sëmundjeve, të tregoni certifikatën e vaksinës kur udhëtoni dhe të kryeni një test COVID-i jo më larg se një ditë përpara fluturimit tuaj. Sigurohuni që të merrni informacionin më të fundit përpara se të bëni plane: https://bit.ly/3m2rg1O