Ambasadori gjerman: Protestat e dhunshme nuk përputhen me standardet e BE-së

Teksa mori pjesë në përkujtimin e viktimave të masakrës së Borovës, ambasadori gjerman në Shqipëri, Karl Bergner, komentoi zhvillimet e fundit në Tiranë, duke theksuar se protestat që shoqërohen me dhunë nuk janë në përputhje me vlerat e Bashkimit Evropian.

Diplomati gjerman u shpreh se çdo aktivitet i shoqërisë civile që respekton standardet demokratike dhe parimet e BE-së është i mirëpritur, ndërsa theksoi se përgjegjësia për incidentet e dhunshme mbetet ende objekt diskutimi.

“Çdo aktivitet i shoqërisë civile që është në përputhje me BE-në është i mirëpritur, sepse mbështet vlerat evropiane. Protestat e dhunshme nuk janë në përputhje me këto vlera, ndërsa se kush duhet të mbajë përgjegjësi për to është ende në diskutim”, deklaroi Bergner.

Ambasadori rikonfirmoi gjithashtu mbështetjen e Gjermanisë për procesin e integrimit evropian të Shqipërisë, duke vënë theksin te asistenca në aspektin teknik të negociatave dhe reformave që shoqërojnë këtë proces.