Ambasadori i OSBE-së nuk foli asnjë fjalë, Voltana Ademi zbardh detajet nga takimi

Kryetarja e Bashkisë së Shkodrës, Voltana Ademi, ka zbardhur takimin dy orësh me ambasadorin e Prezencës së OSBE-së në Tiranë z. Bernd Borchardt.

Me anë të një mesazhi në “Facebook”, kryebashkiakja Ademi thekson se me ambasadorin ka diskutuar mbi aktualitetin politik në vend, problematikat e gjetjet e raportit paraprak të OSBE/ODIHR për procesin e 30 qershorit, kërkesën e paraqitur në Gjykatë Kushtetuese nga Shoqata e Bashkive të Shqipërisë, si dhe për situatën që ka pasuar votimin e 30 qershorit.

Postimi i plotë

Kryetarja e Bashkisë së Shkodrës zj. Voltana Ademi, ka pritur në një takim ambasadorin e Prezencës së OSBE-së në Tiranë z. Bernd Borchardt.

Gjatë takimit që zgjati rreth 2 orë, janë diskutuar tema të aktualitetit politik në vend, problematikat e gjetjet e raportit paraprak te OSBE/ODIHR për procesin e 30 qershorit, kerkesa e paraqitur ne Gjykatë Kushtetuese nga Shoqata e Bashkive të Shqipërisë si dhe për situatën që ka pasuar votimin e 30 qershorit.

Në kuadër të projektit të bashkëpunimit, Prezenca e OSBE-së në Tiranë, ka përzgjedhur Bashkinë e Shkodrës ndër 61 bashkitë në vend për për një projekt të ri për mbështetjen e qëndrueshmërisë të administratës publike. Kryebashkiakja Ademi shprehu gatishmërinë personale dhe të administratës së Bashkisë se Shkodres për të qenë pjesë e këtij projekti me një rëndësi të veçantë, jo vetëm për administratën por edhe zhvillimin e qytetit të Shkodrës.