Ambasadorja e Holandës-Arta Markut: Sundimi i ligjit dhe reforma gjyqësore janë prioritete

Kryeprokurorja Arta Marku zhvilloi sot një takim me ambasadoren e Holandës në Tiranës Dewi van de Weerd. Gjatë takimit u nënvizua rëndësia e reformës së institucioneve të gjyqësorit dhe prokurorisë, e cila sipas bashkëbiseduesve është e rëndësishme për Shqipërinë, veçanërisht në drejtim të rritjes së luftës kundër korrupsionit dhe krimit të organizuar në mënyrë që të krijojë rezultate konkrete në të gjitha nivelet.

Në njoftimin e takimit me kryeprokuroren Marku, ambasada holandeze bën me dije ambasadorja van de Weerd i shprehu gadishmërinë e vendit të saj për të ndihmuar kreun e akuzës në realizimin e këtyre pritshmërive.

“Kjo dhe aspekte të tjera të zbatimit konkret të reformës së drejtësisë ishin tema e diskutimit të takimit të sotëm mes ambasadores holandeze Dewi van de Weerd dhe Prokurorit të Përgjithshëm të përkohshëm të ri, znj. Arta Marku. Gjatë takimit, ambasadori Van de Weerd tha: “Sundimi i ligjit dhe reforma gjyqësore janë prioritete për ambasadën tonë. Ne ndjekim të gjitha zhvillimet nga afër dhe jemi gati për të ndihmuar “. Ne i urojmë znj. Marku sukses në pozitën e saj të re dhe shpresojmë që të shohim edhe më shumë fuqizimin e grave në sektorin e drejtësisë në Shqipëri”- njofton ambasada.