Analiza e humbjes, PD mbledh kryesinë

Pas përfundimit të analizës në degët e Partisë Demokratike, për humbjen në zgjedhjet e 25 qershorit, nesër në selinë blu do të mblidhet kryesia.

Burimet bëjnë të ditur se në mbledhjen e kryesisë pritet që të caktohet data e mbledhjes së Kuvendit Kombëtar të PD.

Një ditë më para Basha tha se në pranverë PD-ja do të mbledhë Kuvendin Kombëtar, nga ku do të nisë fazën për riorganizimin e saj.

Kryedemokrati gjithashtu i fton edhe kundërshtarët e tij brenda së djathtës që të japin propozime konkrete të cilat tha ai ndihmojnë fuqizimin e kësaj force politike.