Angelo Massafra: Rrija para TV dhe lutesha për Notre Dame

I ftuar në emisionin “Dritare me Rudinën” në News 24, Arqipeshkvi i dioqezës Shkodër Pult, monsinjor Angelo Massafra tha de e kishte ndjekur me shqetësim ngjarjen e rëndë të ndodhur dje në Francë, kur katedralja u përfshi nga flakët.

“Kam qënë para tv deri në 11 të natës, jam shumë i trishtuar, shumë i mërzitur, isha në lutje. Ky është një lajm i hidhur jo vetëm për katolikët, por është qendra e zemrës së Francës dhe Europës. Një prej katedraleve më të bukura të stilit gotik. Është pasuri e të gjithëve”, tha ai.