Anulimi i tenderit të Porto Romanos, flet kreu i Dhomës Amerikane të Tregtisë në Tiranë

Kreu i Dhomës Amerikane të Tregtisë në Tiranë, Grant Van Cleve flet pas dështimit të tenderit për ndërtimin e Porit të ri Tregtar në Porto Romano. ”Unë e mbështes vendimin e qeverisë shqiptare. Pres me interes që të sjellim kompani amerikane për të ofruar asistencë”,-thotë ai për ”A2cnn”.

Ministri Karakaçi tha se procedura e tenderit për ndërtimin e portit të ri tregtar në Porto Romano është anuluar. Kjo pasi kompania e vetme e mbetur në garë, “Archirodon” nuk paraqiti ofertë financiare deri më 9 mars që ishte edhe afati i fundit.

Vendimi për pezullimin vjen pas kërkesës dhe insistimit të vazhdueshëm të SHBA-ve. Kreu i Dhomës Amerikane të Tregtisë në Tiranë, Grant Van Cleeve, pak ditë më parë adresoi një letër publike për Edi Ramën dhe titullarë të lartë qeveritarë, në lidhje me këtë tender.