Aplikacioni “Tirana ime” jep rezultatet e para

Me sa duket, aplikacioni “Tirana ime” që u lançua ditën e djeshme nga Bashkia e Tiranës ka nisur të japë rezultatet e para. Kryetari i Bashkisë së Tiranës, Erion Veliaj, ka publikuar rastet e para që janë raportuar nga qytetarët dhe më pas janë zgjedhjet nga ndërmarrjet e këtij të institucioni.

 “Me katër hapa të thjesht mund të ndryshosh lagjen tënde. Shkarko aplikacioni. Përshkruaj problemin, ngarko foto, bashkia nis ekipet dhe problemi zgjidhet. Puna, e vetmja mënyrë për të qënruar të fokusuar te misioni për Tiranën”, shkruan Veliaj.

 Në fotot e publikuara vihen re rastet e denoncuara nga qytetarët mbi zënien e hapësirave publike dhe problemet e kapakët e pusetave. “Që nga mëngjesi qindra qytetarë aktivistë kanë raportuar te aplikacioni. Ja disa rezultate, fuqia qytetare në veprim”, shkruan Veliaj, i cili tregon dhe rastet e denoncuar dhe foto të bëra pas ndërhyrjes.