Arben Ahmetaj: Ekonomia në progres, po shtohet edhe punësimi

Aktualitet E Martë, 14 Shtator 2021 03:21

Ministri i Ekonomisë dhe Financave, Arben Ahmetaj ka mbledhur Këshillin Kombëtar të Punës, ndërsa ka deklaruar se punësimi në Shqipëri ka pësuar rritje të kënaqshme falë reformave të ndërmarra.

Ne fjalën e tij, Ahmetaj theksoi se sfida më e madhe është fakti i kualifikimeve profesionale, një realitet i cili i mungon tregut shqiptar. Ai pohoi se ministria dhe qeveria do të krijojnë dhe mbështesin kurse falas për kualifikimet profesionale. Për ministrin, reformat ndërmarra do të krijojnë impakt në rritjen e ekonomisë , pro edhe të punësimit paralelisht.

“Papunësia ka zbritur në nivelin më të ulët në dhjetë vitet e fundit në Shqipëri. Do të ndihmojmë dhe implementojmë kurse profesionale falas. Parashikimet e fundit e çojnë vendit në nivelit në rritje 4-4,5 për qind të prodhimit të brendshëm bruto.

Rritja ekonomike është shoqëruar me rritje të konsolidueshme të rritjes së punësimit. Arsyeja që unë përmend shifrën e punësimit mbi 230 mijë, ndërsa ata që janë regjistruar në zyrën punës kanë shanse për të fituar një vend pune, kjo falë reformave , por sfidë mbetet krijimi i aftësisë profesionale”, tha mes tjerash ministri.