Ardi Veliu kërkon të dijë nëse policët lahen me kanaçe apo në dush

Një formular i ri i është dërguar policëve për t’u plotësuar.

Dokumenti në fjalë është dërguar në redaksinë e Boldnews.

Në njërën nga pikat e formularit policëve u kërkohet që të raportojnë nëse kanë në banesë lavatriçe, frigorifer, dush, bolier etj.

Gjithashtu në dokument përveç gjeneraliteteve, policëve u kërkohen të dhëna për numrin e pjesëtarëve të familjes apo të ardhurat familjare.

Dërguesi i dokumentit e ka quajtur këtë një absurditet.

Kujtojmë këtu se ky formular vjen vetëm pak muaj përpara se të nisë vettingu në polici.