Arratisen 3 shqiptarë nga burgjet greke, njëri prej tyre i dënuar për vrasje

Tre shqiptarë janë arratisur nga qelitë e paraburgimit në zonën e Medinit në Greqi mesnatën e djeshme.

Sipas medieve greke, njëri prej tyre, 35 vjeç është arrestuar ndërsa vijojnë kërkimet për dy bashkatdhetarët e tjerë.

Dy prej shqiptarëve akuzoheshin për drogë dhe tjetri për vrasje.

Sipas policisë, tre të arratisurit kanë prerë parmakët e qendrës së paraburgimit, që ndodhet në anën e pasme të katit të dytë të pallatit dhe janë zbritur me çarçafë.

Së bashku me tre shqiptarët ka tentuar të arratiset edhe një gjeorgjian, por është vënë re nga policia dhe është ndaluar.

Ata ndodheshin në qelitë e paraburgimit, në pritje të masës së sigurisë nga Gjykata.