Arrestohet në Morinë maqedonasi i shumëkërkuar, pritet ekstradimi i tij
Aktualitet E Mërkurë, 10 Shkurt 2021 17:16
Një 32 vjeçar me banim në Maqedoni është arrestuar në Pikën Kufitare të Morinës.
Sipas informacioneve, M. A., 32 vjeç ishte shpallur në kërkim ndërkombëtar për veprën penale “Vjedhje me dhunë”.
“Gjatë përpunimit dhe verifikimit të të dhënave në sistem, ky shtetas ka rezultuar person në kërkim ndërkombëtar nga Interpol Maqedonia e Veriut, pasi zyra e Prokurorisë Kichevo, Maqedoni e Veriut, ka lëshuar ndaj tij urdhër-arrestin ndërkombëtar, për veprën penale “Vjedhje me dhunë””, njofton policia.
Në përfundim të veprimeve hetimore, specialistët e Sektorit për Hetimin e Krimit në DVP Kukës bënë arrestimin provizor të tij, me qëllim ekstradimin në shtetin maqedonas, mbështetur në “Konventën Evropiane të Ekstradimit” të vitit 1957.
