Arrestohet nobelistja Erdogan si “anëtare e organizatave terroriste”

Një gjykatë në Turqi ka vendosur të arrestojë nobelisten turke Asli Erdogan. Romanvierja nuk është e afërme e Presidentit, ndërsa akuzohet se ka lidhje me partinë e jashtëligjshme të Punëtorëve të Kurdistanit.

Arrestimi vjen tri ditë pasi një duzinë gazetarësh të “Özgür Gündem” u ndaluan. Erdogan dhe pjesa tjetër e stafit u arrestuan pasi gjykata vendosi gjithashtu mbylljen e gazetës me pretendimin se propagandon idetë e PKK-së.

Zonja Erdogan ishte anëtare e bordit këshillues të gazetës.

Ajo u dërgua në burg në Stamboll nën akuzën paraprake të “anëtarësimit në organizatë terroriste” dhe “minimit të unitetit kombëtar”, shkruan prestigjiozja turke “Hyrriet”.

Gazeta ishte përkohësisht e mbyllur, por policia bastisi përfundimisht zyrat e saj. midis të arrestuarve është edhe redaktori i përgjithshëm.

Vendimi i mbylljes, bastisja dhe arrestimet u përcollën me kritika nga partia kryesore opozitare Partia Popullore Republikane (CHP) dhe Partia Demokratike Popullore (HDP). Vendimi u kritikua gjerësisht edhe nga të gjitha shoqatat e gazetarëve.