Arrestohet Plaka në Elbasan, shfrytëzonte dy gra për prostitucion

Sektori  Kundër Trafiqeve të Paligjshme në Policinë e Elbasanit arrestoi në flagrancë një 31-vjeçar, të akuzuar për shfrytëzim prostitucioni.

I arrestuari është shtetasi Artur Plaka. Ky shtetas shfrytëzonte për prostitucion shtetaset me inicialet P.M. 35 vjeç  dhe M.S.  38 vjeçe, që  të  dyja   banuese në Elbasan, ndaj të cilave ka nisur procedimi penal në gjendje të lirë për akuzën e ushtrimit të prostitucionit.

Policia sekuestroi në cilësinë e provës materiale 5.500 lekë të reja, një pasaportë dhe katër aparate celularë.